(Vers. 56.) Quid sibi vult quod prima eum prodit ancilla, cum viri utique magis eum potuerint recognoscere; nisi ut et iste sexus peccasse in necem Domini videretur, ut et iste sexus redimeretur per Domini passionem? Et ideo mulier resurrectionis accipit prima mysterium (Ioan. XX, 17), et mandata custodit; ut veterem praevaricationis aboleret errorem.
TheoFonsAt the sources of the faith