Vestimenta eius alia deorsum sunt, alia sursum. Et fortasse vestimenta Verbi, sermones sunt Scripturarum, et quaedam intellectus indumenta divini; quia sicut ipse Petro, Ioanni, et Iacobo in altera specie apparuit, et vestitus eius albus refulsit (Vers. 29); ita et oculis tuae mentis iam divinarum lectionum sensus albescit. Fiunt igitur verba divina sicut nix, vestimenta Verbi candida nimis, qualia fullo super terram facere non potest.
TheoFonsAt the sources of the faith