Ergo et ille qui villam emit, alienus a regno est; ementes enim atque vendentes Noe, ut legisti, tempore diluvia obruerunt (Luc. XVII, 21), et ille qui iugum potius legis quam gratiae munus elegit: et ille qui propter ducendam excusat uxorem; scriptum est enim: Si quis venit ad me et non odit patrem suum, et matrem et uxorem, non potest meus discipulus esse (Luc. XIV, 21). Etenim si propter te Dominus suae renuntiat matri, dicens: Quae est mater mea, aut qui fratres mei (Matth. XII, 48); cur tu Domino tuo cupias anteferre? Sed neque ignorare naturam, neque servire naturae Dominus iubet: sed ita indulgere naturae, ut venereris auctorem, nec a Deo parentum amore desciscas.
TheoFonsAt the sources of the faith