(Vers. 38.) Scribitur etiam titulus: solet praecedere pompa victores; at vero currum Domini triumphalem praeibat bona pompa resurgentium defunctorum. Solet etiam titulus subiugatarum gentium numerum designare. Sit in illis triumphis ordine quodam digesta miserabilis devictarum, pereuntium contumeliosa captivitas nationum: hic redemptarum gentium vernat gratia: digni tanto triumpho iugales, ut coelum, terra, maria, inferna a corruptela mutentur ad gratiam.
TheoFonsAt the sources of the faith