Fortasse quibusdam hoc durum et superbum, nec mansueti et humilis Domini praecepto convenire videatur, quod ille qui etiam accubitionis loco praecepit esse cedendum, hoc loco mandet discipulis: Neminem salutaveritis in via (Luc. X, 4); cum iste communis sit usus gratiae. Sic inferiores superiorum sibi favorem conciliare consueverunt. Gentiles quoque cum Christianis habent huiusmodi officiorum commercia. Quomodo Dominus hunc usum humanitatis avellit? .
TheoFonsAd fontes fidei