Jejunia Deo accepta. Jejunia vestra non sint talia, qualia propheta condemnat, dicens: Non hoc jejunium elegi, dicit Dominus 4Isai. LVIII, 5 . Arguit enim jejunia litigiosorum: quaerit piorum. Arguit opprimentes: quaerit relaxantes. Arguit inimicantes: quaerit liberantes. Inde enim per hos dies a rebus licitis desideria vestra frenatis, ne illicita committatis. Nullis diebus se ingurgitet vino, nec adulterio, qui diebus istis temperat a conjugio. Ita oratio nostra humilitate et charitate, jejunando et dando, temperando et ignoscendo, bona tribuendo et mala non retribuendo, a malo declinando et bona faciendo, quaerit pacem, et consequitur eam 5Psal. XXXIII, 15. Volat enim talibus oratio pennis adminiculata virtutum: et quo Christus pax nostra praecessit, facilius perfertur in coelum.
TheoFonsAux sources de la foi